Şamaxıda “Heydər Əliyev və mədəniyyət” adlı sərgi keçirilib

Ümummilli lider Heydər Əliyevin 100 illik yubileyi ilə bağlı dekabrın 21-də Şamaxı Yaradıcılıq Mərkəzində Ulu Öndərin şəxsi fotoqrafı olmuş Rafiq Bağırovun fotolarından və “Qeyd - Sosial Maarifləndirmə” İctimai Birliyinin təqdim etdiyi foto-xalçalardan ibarət “Heydər Əliyev və mədəniyyət” adlı sərgi təşkil olunub.

Şamaxı Rayon İcra Hakimiyyəti, Yeni Azərbaycan Partiyasının Şamaxı rayon təşkilatı və Dağlıq Şirvan Regional Mədəniyyət İdarəsinin birgə təşkilatçılığı ilə keçirilən tədbirdə mədəniyyət, təhsil və ictimaiyyət nümayəndələri iştirak ediblər.

Tədbirdə çıxış edən Şamaxı Rayon İcra Hakimiyyətinin başçısı Tahir Məmmədov, YAP Şamaxı rayon təşkilatının sədri Tural Qasımlı, “Qeyd - Sosial Maarifləndirmə” İctimai Birliyinin sədri Tural Nurməmmədov, Əməkdar jurnalist, "Azad Azərbaycan" Teleradio Şirkətinin bədii şurasının sədri Etibar Babayev və Ulu öndər Heydər Əliyevin şəxsi fotoqrafı olmuş, sərginin müəllifi Rafiq Bağırov Ümummilli Liderin həyat və fəaliyyəti, onun mədəniyyətimizin inkişafı və təbliği istiqamətində gördüyü işlərdən söhbət açıblar.

Daha sonra sərgidə nümayiş olunan və əsasən Ümummilli lider Heydər Əliyevin mədəniyyət və incəsənətimizə göstərdiyi diqqət və qayğını özündə ehtiva edən foto və foto-xalçalara baxış keçirilib.