Şamaxıda "23 İyun - Dövlət qulluqçularının peşə bayramı günü" qeyd olunub

23 iyun 2023-cü il tarixdə Şamaxı rayonunda "Dövlət qulluqçularının peşə bayramı günü" qeyd olunub.

Öncə Şamaxı Rayon İcra Hakimiyyətinin başçısı Tahir Məmmədov və rayonda fəaliyyət göstərən dövlət qurumlarında çalışan dövlət qulluqçuları Heydər Əliyevin abidəsini ziyarət edərək abidə önünə gül dəstələri düzüb, Ümummilli Liderin xatirəsini ehtiramla yad ediblər.

Sonra tədbirdə Şamaxı Rayon İcra Hakimiyyətinin başçısı Tahir Məmmədov çıxış edərək bu gün sürətlə inkişaf edən ölkəmizdə dövlət idarəetməsi sahəsində görülmüş işlərdən, dövlət qulluqçularının sosial-rifah halının yaxşılaşdırılması sahəsində aparılan islahatlardan geniş bəhs edərək rayonda fəaliyyət göstərən dövlər strukturlarında çalışan bütün dövlət qulluqçularını peşə bayramları günü münasibəti ilə təbrik etdi.

Tədbir çərçivəsində rayon icra hakimiyyəti başçısı aparatının Hüquq şöbəsinin müdiri Nəsimi Mənəfova “Dövlət qulluğunda fərqlənməyə görə” medalı təqdim olundu və rayon icra hakimiyyəti başçısının Qızmeydan inzibati ərazi dairəsi üzrə nümayəndəsi Yekaterina Ukleina Azərbaycan Respublikası Prezidentinin 22 iyun 2023-cü il tarixli Sərəncamı ilə “Tərəqqi” medalı alması münasibətilə təltif edildi. Göstərilən bu etimada görə cənab Prezidentə kollektiv adından minnətdarlıq ifadə olundu.