Şamaxı RİH başçısının növbəti səyyar qəbulu rayonun Qaleybuğurd kəndində keçirilib
Əhalinin problemlərinin yerində öyrənilməsi və həll edilməsi məqsədilə Şamaxı Rayon İcra Hakimiyyəti başçısının qrafiq üzrə növbəti səyyar görüşü keçirilib.
Rayonunun Qaleybuğurd kəndində keçirilən səyyar qəbulda Şamaxı Rayon İcra Hakimiyyətinin başçısı Tahir Məmmədov, təhsil, səhiyyə, mədəniyyət sahələrinin, xidmət təşkilatlarının rəhbər işçiləri və kənd sakinləri iştirak ediblər.
Rayon icra hakimiyyətinin başçısı Tahir Məmmədov çıxışında son illər respublikada, o cümlədən rayonda aparılan quruculuq abadlıq işlərindən, kənd və qəsəbələrdə infrastruktur layihələrin icra olunması ilə bağlı nəzərdə tutulmuş tədbirlərdən geniş söhbət açıb.
Qəbul zamanı kənd sakinlərinin kənddaxili yolların və elektrik xəttlərinin təmiri ilə bağlı müraciətləri dinlənilib. Qaldırılan digər şəxsi məsələlərin tez bir zamanda həll olunması istiqamətində aidiyyatı qurumlara müvafiq tapşırıqlar verilib.
