Şamaxı rayonunda növbəti qanvermə aksiyası keçirilib
05 fevral 2025 | 18:24
05 fevral 2025-ci il tarixində Şamaxı rayonunda növbəti qanvermə aksiyası keçirilib. Azərbaycan Respublikası Səhiyyə Nazirliyi “Respublika Qan Bankı” Publik Hüquqi Şəxsin xüsusi tibbi briqadasının həkim-hemotoloqları donorların sağlamlıq vəziyyətini müəyyən etdikdən sonra onlardan qan götürüblər. Götürülmüş qan nümunələri laboratoriyada bir daha müayinə edildikdən sonra talassemiya, hemofiliya və digər qan xəstəliklərindən əziyyət çəkənlərin müalicəsində istifadə olunacaq.
Qanvermə aksiyasında rayon ictimaiyyətinin nümayəndələri, rayonun idarə, müəssisə və təşkilatlarında çalışan kollektivlərin üzvləri könüllü olaraq iştirak edib, ümumilikdə 100 nəfərdən artıq şəxsdən müvafiq qaydada qan ehtiyyatları götürülüb.
Keçidlər
