Rayonun Yusif Məmmədəliyev qəsəbəsinin sakinləri ilə növbəti səyyar qəbul keçirilib
29 avqust 2025 | 18:59
Səyyar qəbulda Şamaxı Rayon İcra Hakimiyyətinin başçısı Tahir Məmmədov, təhsil, səhiyyə, mədəniyyət sahələrinin, xidmət təşkilatlarının rəhbər işçiləri və Y. Məmmədəliyev adına qəsəbə sakinləri iştirak ediblər.
Şamaxı Rayon İcra Hakimiyyətinin başçısı Tahir Məmmədov çıxışında son illər respublikada, o cümlədən rayonda aparılan quruculuq abadlıq işlərindən, kənd və qəsəbələrdə infrastruktur layihələrin icra olunması ilə bağlı nəzərdə tutulmuş tədbirlərdən geniş söhbət açıb.
Qəbul zamanı qəsəbə sakinləri tərəfindən əsasən kəndə gedən yolun gələcəkdə soyuq qış aylarında qardan təmizlənməsi və qəsəbəyə ixtisaslı tibb işçisinin təyin olunması ilə bağlı müraciətlər səslənib. Sakinləri narahat edən digər suallar ətrafında müzakirələr aparılıb, qaldırılan məsələlərin tez bir zamanda həlli ilə əlaqədar aidiyyəti qurum rəhbərlərinə müvafiq tapşırıqlar verilib.
Keçidlər
