Daşınmaz Əmlakın Dövlət Kadastrı və Reyestrinin sədri Şamaxıda vətəndaşlarla görüşəcək
İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin İdarə Heyətinin sədri Nigar Alimova iyunun 16-da Yeni Azərbaycan Partiyasının Şamaxı rayon təşkilatının inzibati binasında (ünvan: Şamaxı şəhəri, Şəhriyar küçəsi, 36) Şamaxı, Ağsu və Qobustan rayonlarından olan vətəndaşlarla görüşəcək.
Dövlət Xidmətindən bildirilib ki, vətəndaşlar daşınmaz əmlakın qeydiyyatı, kadastrı və aidiyyəti üzrə digər məsələlərlə bağlı müraciət edə bilərlər. Vətəndaşların qəbulu saat 12:00-dan etibarən keçiriləcək.
Qəbula gəlmək istəyənlər (012) 510-93-33 və 055 465-23-68 nömrəli telefonlarla və ya rsalmanli@emlak.gov.az elektron ünvanı vasitəsilə, həmçinin qurumun Şamaxı Ərazi İdarəsinə (telefon: 051 571-46-41, elektron ünvan: dedkr.14sayli@emlak.gov.az) iyunun 14-də saat 18:00-dək müraciət etməklə qeydiyyatdan keçə bilərlər.
