Şamaxıda ağacəkmə aksiyası keçirilib
Xocalı soyqırımının 29-cu ildönümü ilə əlaqdar 26 fevral 2021-ci il tarixində ölkəmizdə keçirilən ağacəkmə aksiyası Şamaxı rayonunda da keçirilmişdir.
Aksiyada mövcud karantin qaydaları gözlənilməklə rayon icra hakimiyyətinin, rayonun idarə, müəssisə və təşkilatlarının kollektivi, rayon ağsaqqalları və könüllü gənclər iştirak etmişdir. “Xocalıya ədalət!” beynəlxalq kompaniyası çərçivəsində keçirilən aksiyada erməni faşistləri tərəfindən xüsusi qəddarlıqla qətlə yetirilmiş soydaşlarımızın xatirəsinə 613 ədəd Eldar şamı aqrotexniki qaydalara əməl olunmaqla əkilmişdir.
Saat 17-00 da isə respublikanın hər yerində olduğu kimi Şamaxı rayonunda da Xocalı şəhidlərinin xatirəsi bir dəqiqəlik sükutla yad edilmişdir.